“Я мову родную люблю”

24 лютага хлопчыкі і дзяўчынкі ДУА “Дзіцячы сад №101 г. Гомеля” прынялі ўдзел у віктарыне-гульні “Я мову родную люблю”, прымеркаванай да Міжнароднага дня роднай мовы, якая адбылася ў бібліятэцы-філіяле №17.

Бібліятэкар расказала дзецям аб значнасці роднай мовы для кожнага чалавека, а таксама аб тым, што наша беларуская мова вельмі мілагучная і прыгожая. Шмат паэтаў прысвяцілі свае творы беларускай мове і параўноўвалі яе гучанне з перазвонам ручаёў і спевамі птушак.

Вершы і казкі беларускіх аўтараў (Анатоля Зэкава, Уладзіміра Мазго, Якуба Коласа, Васіля Ткачова і іншых) гучалі на працягу ўсяго мерапрыемства. Дзеці з цікавасцю паслухалі беларускую народную казку “Два маразы”.

З дашкалятамі былі праведзены дыдактычныя гульні “Размаўляем па-беларуску”, “Ветлівыя словы”, “Чароўны кошык” У гульнёвай форме хлопчыкі і дзяўчынкі даведаліся пра назвы колераў па-беларуску, назвы аддзення, жывел і раслін, вывучалі часткі цела, успаміналі самыя “смачныя” словы беларускай мовы.

Маленькія “знаўцы роднай мовы” з задавальненнем паўдзельнічалі ў бібліятэчным квілце “Букет родных слоў”: на пялёстках рамонка наклейвалі свае любімыя словы на беларускай мове. Словы прагучалі вельмі душэўныя: “дабрыня”, “сонейка”, “сябар”, “матуля”, “вясёлка”, “раніца” і іншыя.

Бібліятэкар пазнаёміла юных чытачоў з серыяй кніг “Мая першая кніга”, якая пазнавальна і займальна дапамагае дзецям спасцігаць акаляючае наваколле: свет людзей, жывёл, раслін.

Мерапрыемства садзейнічала далучэнню дзяцей да багацця беларускай мовы, выхаванню паважлівых адносін да роднай мовы, жаданне на ёй размаўляць.

скачать dle 10.4фильмы бесплатно