«Я тым шчаслівы, што жыву»: юбілейны вечар да 75-годдзя Міхаіла Болсуна

28 лютага ў літаратурна-мастацкім салоне «Сустрэчы на Замкавай» пры цэнтральнай гарадской бібліятэцы імя А.І. Герцэна адбыўся юбілейны вечар да 75-годдзя Міхаіла Болсуна «Я тым шчаслівы, што жыву».

Міхаіл Болсун – таленавіты гомельскі паэт, аўтар шасці паэтычных зборнікаў, празаік, член Саюза пісьменнікаў Беларусі і Беларускага саюза журналістаў, лаўрэат шматлікіх літаратурных конкурсаў, ганаровы грамадзянін Чачэрскага раёна.



Павіншаваць юбіляра прыйшлі калегі па пяру, журналісцкай працы, сябры. З цеплымі словамі віншавання выступіў празаік, публіцыст, старшыня Гомельскага абласнога аддзялення ГА «Саюз пісьменнікаў Беларусі» Уладзімір Гаўрыловіч. Доўгіх год жыцця і пленнай працы пажадала Міхасю Болсуну паэт, публіцыст, галоўны спецыяліст Гомельскага абласнога аддзялення ГА «Саюз пісьменнікаў Беларусі» Тамара Кручэнка. Прывітальнае слова ад празаіка, драматурга, публіцыста, члена Саюза пісьменнікаў Расіі і Саюза тэатральных дзеячаў Васіля Ткачова было традыцыйна поўным тонкай іроніі і бліскучага гумару. Юрый Плескачэўскі – вучоны, заслужаны дзеяч навукі РБ, доктар тэхнічных навук, прафесар, старшыня Прэзідыума Гомельскага філіяла НАН Беларусі – па-навуковаму коратка, але вельмі шчыра і з гумарам павіншаваў Міхаіла Міхайлавіча. Вершаваныя радкі ў падарунак юбіляру ад імя заслужанага дзеяча навукі Рэспублікі Беларусь, прафесара Леаніда Сасноўскага прагучалі ў выкананні кандыдата тэхнічных навук, дацэнта Віктара Камісарава. Па-сяброўску ветліва і шчыра павіншаваў Міхася Болсуна Мікалай Ждановіч, член ГА «Саюз пісьменнікаў Беларусі», член «Саюза беларускіх журналістаў», рэдактар добрушскай раеннай газеты «Добрушскі край».



З музычнымі падарункамі выступілі саліст эстрадна-сімфанічнага аркестра «Гомельскай абласной філармоніі», лаўрэат міжнародных конкурсаў Канстанцін Гарошка, паэт, аўтар-выканаўца, член Міжнароднага саюза пісьменнікаў і майстроў мастацтваў Дзмітрый Нілаў, аўтар-выканаўца, член Міжнароднага саюза пісьменнікаў і майстроў мастацтваў Сяргей Старыкаў, аўтар-выканаўца, член Міжнароднага саюза пісьменнікаў і майстроў мастацтваў Валянціна Каралёва, якая падаравала усім песню на словы Міхася Болсуна.



Амаль што кожны госць меў намер у прыватнай гутарцы павіншаваць, падзякаваць Міхася Босуна за жыццярадаснась і аптымізм, пазітыўны настрой, які панаваў на вечарыне. Гутарка з аўтарам пасля вечарыны яшчэ доўга працягвалася за кубачкам гарбаты.

скачать dle 10.4фильмы бесплатно